أبو كفـــــشة عطال بطال ... ويريدك من الله تسأله فد سؤال
الحلقة -3-
و يكولك اني ما اغار .. شتسمي سؤالك هذا صديقنا( سلام نجيب) :
كفوش سرى يمته ترسمني مثلك ؟
- من تحوليلي رصيد ابو الـ 25 الف
عزيزتنا صاحبة الضمير الحي تسألنا هالسؤال Shagaz Shosho
ابو كفشة شوكت الله يفرجها على العراق وشعبه المظلوم ؟
- من اصير رئيس وزراء
(أم تيم) تعبت من تربية الجهال .. فدتسأل (السوبر ناني) مالتنا أبو كفشة عن حل :
عندي سؤال لأبو كفشه واريد تتحفنا بجوابك ليش الطفل من نعتني بي بس يتمرض ويكضيهه معلعل ومن نهمله وياكل تراب صحتهه عال العال ؟
- كولي اتعاجز اعتني بي وفضيها عليش هذا اللف
والدوران ههههه
(سجى المرتضى) سوت مباغتة خطيرة بحق ابو كفشة و سألته:
أبو كفشة .. شوكت تمشط هههههه ؟؟؟
- وره ما اطلع من الحمام
ابو كفشة شوكت تتزوج وهل هناك
حب في حياتك .. وهل للحكومة دخل في ذلك او هل
هنالك أطراف سياسية لها يد بالقضية ؟
- اتزوج من يبيض الثعلب وماكو حب بحياتي لان
استخدم صابونة ديتول تقتل 99.9 من الجراثيم
(زياد الخيرو) محروك قلبه و يريد حلاً :
هو بس سؤال واحد حيل محيرني و هل مرة صدك مو تحشيش ليش من الواحد يحس انه اكو شخص يحبه و يريدله الخير يكوم يتعزز عليه و بعد حتى ميعجبه يشوف وجهه و ليش من يجي واحد يتكبر عليه و يشيل خشمه يكوم يركض وراه بس يريد يرضيه علما انه هذا الشي جربته بكل الناس و بكل الفئات و الاعمار من تحترمه و تقدره يكوم يتكبر نفس الشخص بس ابطل ما اباوع عليه حتى يكوم يتلوك و كل شوية مسلم عليا و تشتغل اللواكه ؟
- يا اخي هذا يسمو تحريض عالغرور هههه
صديقي الجميل جان اكو بالعلوم مال خامس ابتدائي شي اسمه (ماذا تعلمت) ـ هواي اشياء تعلمتها من ماذا تعلمت .. بس تعلمت انه اعامل الناس بأخلاقي .. فـ عامل الناس بأخلاقك انت .. لا بأخلاقهم هم كيفما كانوا.
(أشرف حسو) و اسئلته الفلسفية .. هو وابو كفشة ثنائي واحد يكمل الثاني بعلم المنطق و الفلك :
ايهما يعبر عن شخصية الانسان اكثر الخشم ام اصبع رجله الجبير ؟
- سؤال جميل وذو ابعاد وافاق فكرية ناضجة ..
اعتقد ان كلاهما لا يميل الى تمثيل شخصية الانسان ..
ولكن بالمقابل قد تكون (التريـــوعـ...التجشؤ) هي التعبير الانسب عن تكامل الشخصية فكريا .
(Arabiya Al Janabey) جانت في زمانها تشتغل ويه العطار :
ابو كفشه .. شنو علاقة الحية بالبطنج
- مثل علاقة ماريو بالميز تواليت.
(حنان اسماعيل) هاوية جمع انتيكات و حابة تخطف التحفة المزروعة براس ابو كفشة :
ليش حاط سبع عيون بكفشتك ؟؟؟؟؟؟
- حته تبعد عني البك والحشرات الاليفة المتطفله
(Rasha N Yones) .. آخ منج و من سؤالج يا عيني :
إبو كفشة عندي مشكلة عقيمة يعني الطلاب شيسوون بالمدرسة آشو الدراسة كلها براسنا بالبيت والله ابتلينا
-ايبااااااه سؤال وجيه .. الطلاب شيسوون
بالمدرسة ..يلعبون اتاري !
ادري غير يحللون خبزة المعلمين .. لو تريدين المعلم يبقة عطال بطال ؟
شنو اخر رسمة رسمتها ؟
- هايه :
شنو الفرق بين اللـ
List والقطار ؟؟؟؟
- القطار يطلع للبصرة .. والـList تطلع بالستلايت.
ابو كفشه شوكت كطوف الجكاير توكع من راسك ؟
- من تمطر فلوس .
(نور جمال عبد الحميد) سألت سؤال ذكي و كلش كافتريائي:
احب اسأله .. منو اطيب الفلافل لو العصير ابرد ؟
و منو اثكل الجاي لو الكيك بايت ؟
- عصير الرمان الي فوكا عمبه يخبل
وبعدين شبي الكيك البايت؟ .. اشو اني عندي كيكه صارلها اسبوع بايته وحته
طلع عليها فدشي اخضر مثل بيت العنكبوت وبعدها طيبه !
(Emy Love) ولو صاحبنا ماعنده حتى ستوتة :
ابو كفشة ،، برأيك ايهما افضل top Gear بالنسخة البريطانيه
؟ او بالنسخة الامريكيه ؟
- والله
اني ابلع بس كبسول .. ما اتقرب للشراب.
(أحسان أياد) سؤالك فلم رعب:
ابو كفشة عزيزي ماذا تفعل لو ... كعدت الصبح وفتحت عيونك وكلشي متشوف ؟؟؟؟
- البس مناظر مال حدادين وافكر لو اصير عازف
لو اروح اجدي اباب الكاظم.
(Enas Nano)
ابو كفشة شنو اول شي تفكر بي اول متصحى من النوم؟
- افكر شوكت اخلص شغل وارجع للبيت حته انام.
و جنى على نفسه (مصطفى بهجت) بهالسؤال :
عزيزي مكفوش .. شوكت الجنة تحب العمة ؟
- من تشوف الشيطان الرجيم ملتحي ولازم سبحة ورايح للجامع.
(علي العبيدي) اكيد خدمت عسكرية على هالسؤال:
شوكت تحلق كفشتك ؟
- من استلم راتب من مجلة بيت بيوت.
ست (زهراء الهنداوي)
مارأيك بقول أحد حكماء الهند.. نحن لانستطيع منع الطيور من التحليق فوق رؤوسنا لكننا بالطبع نستطيع منعها
من التعشيش فوقها؟
- सवाल कहां है? ( يرجى ترجمة الكتابه في مترجم كوكل للأطلاع).
(نورس عدنان) كاضيها سبلت يدوي :
ابو كفشه ياهو الهواهه اطيب المبرده لو السبلت ؟
- النركيــلة.
فقرة ممتعة جداً عاشت الأيادي
ردحذف