السفره: فوطة المائدة

السُفره

كيف تستخدم فوطة المائدة؟

- في الدعوات غير الرسمية، بمجرد أن تجلس على المائدة توضع الفوطة على الفخذين (الحجر).

- في الدعوات الرسمية، عليك بالانتظار حتى تضع المضيفة الفوطة أولاً ثم يعقبها الضيوف.

(و تفرد طياتها حسب احتياج كل شخص).

___________________________________________________________________________


الكهوة العربية اللي تتقدم بالدلة والفناجين الصغيرة

شي مشهور بالعراق وعموم الدول العربية

لكن اكيد اله طقوسه وحبيت اذكرها الكم حتى تنتبهون الها في حالة زرتوا ناس بابة عرب

في حالة اضطريت انت تقدم الكهوة لازم تظل واكف وتشيل الدلة بالايد اليسرة وتقدم الفنجان باليمنة وميصير تكعد الا ان كل الحضور يشربون كهوتهم والمُتعارف عليه أنّك تكرر صبّ القهوة حتّى يقول الضّيف "كفى" أو بِهَزّ فنجانه

********************************************************************************************************

فقرة السُفرة لهذا العدد مميزة كونها تقترن بعيد نوروز وهو عيد الربيع اللي يحتفل بي العراق بال 21 من شهر اذار من كل سنة وهو بداية السنة البابلية ايضا منذ بدأ حسابه قبل اكثر من 6000 سنة كبداية للتقويم الرسمي للدولة البابلية وكلمة نوروز تعني باللغة الكردية يوم جديد ..

من طقوس نوروز لدى كورد العراق هي التزيين باللباس الكوردي التقليدي من رجال ونساء كبار وصغار والاحتفال به والخروج من البيوت إلى الطبيعة واقامة الولائم على انغام الدبكات الكردية وتحضير الاطعمة التقليدية


وحبيت اعرفكم على احد الطقوس الجميلة التي يحبب عملها في نوروز وهي وضع سُفرة أو مائدة تتضمن 7 اشياء تبدأ بحرف السين .. اي عملة نقدية ، فاكهه مجففه.. سبانخ _خضره..سبيكه _سبيكه من الذهب.. حلويات.. سماق.. الخ .. إضافة إلى مرآة وقرآن وشموع وسمك أحمر وفاكهة ومكسرات

*****************************************************************

موضوعنا اليوم بالسفرة ترتيب المائدة طبعا على الطريقة الاجنبية

لان احنة طريقتنا نحط كلشي بمواعين ونخلي ع السفرة 

عموما اذا حبيتو تتطلعون الصورة توضح طريقة ترتيب المائدة بوضوح

مايحتاجلها دوخة 

****************************************

طبعا اتصور حتنتظرون مني فكرة معينة عن ترتيب السفرة بالبيت بهاي الفقرة اليوم احب اذكرلكم شي لازم تنتبهوله اذا اجاكم احد بابة عرب .. ممكن شي بسيط بس مهم تلتزمون بي لان عدهم اذا مسويتوا يدل على عدم الاحترام ..

يكولك انو من تصبون الجاي بالاستكان لازم يملي ويفيض .. وهذا دليل على الكرم واحترام الضيف ..

اتمنى تكونون استفاديتوا من وصفات ومعلومات خالتكم ام فلان

نلتقيكم بالعدد الجاي للمجلة

ولتنسون شعارنا دائما

المطبخ مطبخكم

والسفرة سفرتكم

وبيت بيوت يجمعنا سوية

في امان الله حبايب