حوارات بغدادية

رسلي المالكي
كاتب

حوار بين بغداديتين ..

رسلي المالكي

كاتب

ام علي :

 امسه الخير خيه شلونج ابخير ..

بعد اشلونكم رجلج اشلونه ؟

اكلج ها صدك ما كلتي مبروك ..

علاوي نجح فدوه لعيونه ..

ام محمد :

بعد روحي .. نجح ؟ يا .. خيه مبروك ..

من يكبر يحل دكتور كونه ..

يا سوده علي ما كتلج حمود ..

مريض وطايح بحر الصخونه ؟

ام علي :

بيمه .. شلون ؟ رجلج طاح مرضان ؟

اجيج شويه اجيب الورد ماوي ..

ابو محمد عساه بالخير و يكوم ..

منين انوب جتج هالبلاوي ؟

ام محمد :

اكلج انه حوبه و عدي متخيب ..

مو من الله جت بيه البليه ..

اشم ريحة لعب ما كادره ارتاح ..

جنه يريد يتزوج عليه ..

ام علي :

يا خيه صدك ؟ لا يمه محشوم ..

فقير الزلمة شلج بالحجاية ..

شتكولين جا رجالي مينام ..

جنه يحب سَليمة من ورايه ..

ام محمد :

سَليمة انوب ؟؟ لا يم الدكاكين ..

و اكولن انه مو راحه زلمتي ..

هم انه كلت لسلَيمه ويروح ..

بسيطه اسلَيمه انتي اليوم حصتي ..

ام محمد و ام علي راحن لسليمه ام الدكان ..

ام علي :

ها خيه سليمة شلونج ابخير ؟

كوليلي ابو عليوي شلونه وياج ؟

وابو محمد يجيج باخر الليل ..

شني خيه تفرفح راد ملكاج ؟

سليمة :

صدك يم علي؟ ، ها داده .. تجذبين ؟

ابو عليوي و ابو محمد اجوني ..

سلفه الهم مسويه الشهر عشرين ..

و خذوا الفلوس مني و مالفوني ..

ام محمد :

لا انه كلت محشوم ابو فلان ..

ام محمد انتي شلون كلتي ..

سليمة تكول سلفه مسوي جاخوش ..

اشوف شراح يشريلي زلمتي ..

ام علي :

رحت فدوة و نذر لتراب رجليه ..

ابو عليوي بعد كلبه يكلبي ..

جدرج خيه جينج راح تنسي ..

مو تنسين هيل اعليه ذبي ..