أبو كفـــــشة

أبو كفـــــشة عطال بطال ... ويريدك من الله تسأله فد سؤال

الحلقة - 5 -





عدي السعدي - كفشتك الها علاقه بالعاصفة الترابية ؟ 
عزيزي حسب وكالة ( عجا ) فما ادري . بس حسب ما تذكر بوكتهه عطست عطسة 3D تخيل حتى الرقم المزروع براسي غير مكانه .


اذا تخلی جیل .. کم علبه تشتری بالشهر ؟
 مجهول طبعا اخلي حالي حال الشباب بس مو جل دهن حصة اصلي ابو الشعار هذا عﻻمة الراعي


رباب الحسيني - شنو ميزة التيشرت المقلم ؟
 نفس ميزة القميص المشطب ، يطلع فوك الراس هاش تاك يشعر ب البازة


احجيلي بالتفصيل الممل على الروتين اللي تمشي عليه للعناية بكفشتك من شامبو وبلسم وحمام زيت وماسكات الخ .. ؟ حسناء طبرة
 امممممم اضع يدي بقليل من الماء ، اغرزها في ام رأسي ، وبحركة لولبية افر اصابعي بسرعة ، وبس


محمد كارتون - ماهي علاقة الضلوع بالسيلفي؟
 السيلفي ممكن يتضلع بس الضلوع موممكن تتسلف !


محمود صباح - كفشتك تذكرني بمايكل جاكسون ..تحب مايكل جاكسون؟ اذا اي، شنو اغنيتك المفضلة الة؟
 اكيد احب مايكل جاسم واغنيتي المضللة ( روس الحجول كبار تمشي برهدنه ) خاصة بالحفلة وعلى انغام الخشابة


سرى غزوان - يكولك اللي يفرش اسنانه ميحتاج يمشط شعره بعد ... اكو هيجي شي ؟؟ 
اني قريت بأحد المواقع العلمية الرصينة انه تفريش الاسنان بين الساعة 1 وال 2 ظهرا يسبب فرقعة بالانبعاج المتلولو !! فأني اتجنب هالوقت ﻷن حيل اخاف على الانبعاج ﻻ يتفرقع . وين اروح من بعده . واذا يحتاج او ميحتاج فسؤالي هو شنو معنى كلمة يمشط ؟


أشرف حسو - هل تعتقد ان التركسود الفانيرا استطاع ان يحتل مكان البيجاما البازة؟ ... وماهو مدى تأثير نوع تقليمة البيجاما "البازة" على شكل الانسان اثناء النوم؟ لييش واكرر ليييش بنطرون البازة مابيه جيب ؟ وما علاقة ذلك ب عبد الله ابو الدكان ؟ 
 سؤالك مركب اشبه بتمن الباقﻻء 1- اكيد ﻻ فاللبازة مازالت في قمة ترتيب وعلى رأس قائمة box office المﻻبس العراقية 2- تأثير كبير فإذا كانت الخطوط متوازية مع حافة الجرباية وعمودية على اللحاف ومتماسة مع زاوية اسقاط فتحة البردة التي يمر منها الضوء فيتسبب للنائم عسر نوم يجعله يلتف كالدولمة متحولا الى بوركاية . 3- اذا كان للبازة جيب فسوف تفقد حﻻوة لم الدعابل بالعب . وانته تخيل بازة بجيب ؟ ترة مو حلوة حيل . 4- وعبد الله باع الدكان وعﻻقته بكل ما انكال فهي عﻻقة سطحية بس مسجات على الواتس