اذان مثقوبة .. لنيشان الخطوبة
الفنجان الاول
الى
الفنجان التاسع
بقلم شمم بيرام
أحببت السهر منذ صغر سني، لم استلقي يوما
على فراشي مبكرا ان لم يكن السبب وراء ذلك تهديدا من والدتي في طفولتي او اعياء وتعب
شديد في مراحل حياتي الباقية
ولان اليوم هو جزء لا يتجزء من سلسة ايامي
المعتادة التي يهجرني بها ذاك المدعو بالنوم، خططت لسهرة معتبرة مع فنجان قهوة ودفتري
السري، اخذتني اصابعي مباشرة لتلك الصفحة، صفحه ذكرياتي معه ...
نعمه انته بحياتي طالبتها سنين
وتلبت الي يارب الك اشكر
وانته اول فرح يوصل يدك الباب
يا باب الكلب ما تفتح شتنطر
.... سكنتني الابتسامه وانا اتحسس ال (التراجي
) في اذني لم اكن احب وضعها بصراحه ولكن في قصتي ستعرفون ما الذي جبرني على احتمال
ما لا اطيق ( وريته بس على الترجيه )
نغمة هاتفي المعهودة لم آبه لقراءة الاسم،
نظرت للساعة كانت الثالثة فجرا بالنسبة لها هذا وقت متاخر فهي ليست من رفاق السهر مثلي
--- اكيييد بعدج كاعده
*** اصلا توها بدت السهر
--- رحمي نفسج وعينج
*** رحميني انتي وخليني صافنه ومتونسه
--- هم صفنتي مو كافي؟؟ مو كلنه انتهى الموضوع
لشوكت حتبقين هيج كافي رجعي مثل قبل تغيرتي هوااايه
*** زين يصير اخلص صفنتي واخابرج
--- لا ميصير صفني واني وياج علخط (((( طبعا
اكييييييد عرفتوا المتصل منو ...صديقتي العزيزه الي متفاركني حتى بصفنتي)))
*** اذا ححجي راح تحجين عليه وفري صوتج وحباله
الذهبيه للغزل انتي هسه عرررروسه ....
---مو جديدة مال
احجي عليج... اطربيني
احجي عليج... اطربيني
*** مشتاقتله
---وين الجديد ... تنازلي ودكي عليه
*** مستحيل
--- خلي تفيدج كرامتج
*** أكلج ماما دتصيحني شويه واخابرج
( اي اي صح ماما م كاعده بس اني اريد اصفن
واسولفلكم )
في يوم ممل من أيامنا المعتادة قررنا عمل حساب في ذلك العالم الازرق المشبع بالاخبار والمواضيع زائفة الاهمية (الفيس بوك) نتشارك
بة نحن (الشلة المجنونة) ولكم ان تتخيلو كيف لصفحة تستخدمها مجموعة من البنات في ذات
الوقت ان تكون، كانت صفحة تجسسية بأمتياز فحينا ينصب بها كمين لحبيب تدور حوله الشكوك،
وتتحول في حين اخر لنافذة نراقب بها من لا تخول لنا اسمائنا مراقبتهم واحتوائهم في
صفحاتنا الخاصة من باب (البرستيج ) أو (الثكل) ... حساب مزيف اسم دلع لا يخلو من السخافة
وصورة لجميلة من جميلات الشاشة .... أجتمعت العوامل المؤديه للنجاح وتم كشف الكثير
ولمارك الفضل طبعا.
حساب في ذلك العالم الازرق المشبع بالاخبار والمواضيع زائفة الاهمية (الفيس بوك) نتشارك
بة نحن (الشلة المجنونة) ولكم ان تتخيلو كيف لصفحة تستخدمها مجموعة من البنات في ذات
الوقت ان تكون، كانت صفحة تجسسية بأمتياز فحينا ينصب بها كمين لحبيب تدور حوله الشكوك،
وتتحول في حين اخر لنافذة نراقب بها من لا تخول لنا اسمائنا مراقبتهم واحتوائهم في
صفحاتنا الخاصة من باب (البرستيج ) أو (الثكل) ... حساب مزيف اسم دلع لا يخلو من السخافة
وصورة لجميلة من جميلات الشاشة .... أجتمعت العوامل المؤديه للنجاح وتم كشف الكثير
ولمارك الفضل طبعا.
كثيرا ما تجولت تحت قناع تلك الصفحة احببت
الاحساس كثيرا، من هنا يمكني معرفة الجميع ورؤيتهم دون ان اكون معروفة او واضحة لهم
اترك تعليقات سخيفة، حورات واراء لا استطيع توقيعها بأسمي منحني هذا الحساب حرية غير
محدوده احببتها رغم انها قد تعنون ضمن الحريات الكاذبة، عموما فاغلب ما نعيشه هو زائف،
لا احتاج للعمق الان ولا اريد ان اتعب نفسي بفلسفة ما يحدث، احتاج ان اكون انا دون
الخوف من احكام الغير وتؤيلاتهم.
ولأيماني بأن التفاصيل هي التي تخلق ذواتنا
الحقيقية وأن خطوطنا العامة ما هي غير هبة من الله او تأثير الكواكب وحروف أسامينا
وطالعنا الكاذب ، فأنا اعشق تفاصيلي الصغيرة النابعة من عاداتي اليومية واهم تلك التفاصيل
فنجان قهوتي الذي يرافق أمسياتي دوما، وفي اﻻونة اﻻخيرة انضم له تفصيل جديد، حاسوبي
وستاري الخفي.
وفي هذه الليلة شاركني في سهرتي سماعة هاتفي
وصوت الصدوق التي ﻻ تفارقني
--- شفتيها شلابسه
*** ااااي مستحيل رهيبه
--- ههههههههه شوفي هذا شمعلق
*** لحضه فات واحد خبصني
--- اي طلع يمي ... دحجي وياه
*** متسكتين ... خلينه نقشب
--- لا اني ﻻزم اروح فد ساعه واخابرج
...
لم يكن في نيتي الرد علية، فقد كان عددا
من اﻻعداد الاضافية التي يتم الموافقة على طلباتها بالصداقة فقط لملئ قائمة اﻻصدقاء
واﻻيحاء للضحايا بكونه حساب حقيقي، لشخصية حقيقية (كيدهن عظيم).
ركنت الحاسوب جانبا وبدأت بتقليب قنوات
التلفاز ﻻ شئ يسترعي اﻻهتمام، ازعجتني النغمة المتواصله للبريد القادم كنت على وشك
اغﻻق الصفحة حين قرأت رسالته
*** هسه لو صدك هاي صورتج جان كلنه حقها بس
اني متاكد هسه شعرج مكفوش و الحكله سايحه وجماله كاعده تفيكين عليه ومتجاوبين
لثواني شكتت بكونه قادرا على رؤيتي، فأنا
(مكفوشه والكحله سايحه ) ...
أستفزتني طريقة للجواب
*** زين لمن تعرف هاي مواصفاتي ليش كاتل روحك
--- اكسب بيج اجر
*** روح ادفع صدقه
--- ويه مواصفاتج هاي رفع ثقتج بيها اجر اكثر
أستقمت بجلستي
وأستمرت المحادثه على نفس المنوال ( من
الرفع والكبس )
من هو هذا الشخص
وهل سيكون له تأثير حقيقي بمجريات قصتي
او انه مجرد شخص عادي .. والبطوله لاخر
انتظروا الفنجان الثاني فهو الذي يحمل كل
الاجوبة
*********************************************************************
الحياة اجمل من ان تعلني الحرب عليها .... حاربي
اعدائها
*********************************************************************
الفنجان الثاني
الحياة اجمل من ان تعلني الحرب عليها .... حاربي
اعدائها
احلام مستغامي
وتحت مبداء محاربة اعداء الحياة بدأت يومي و وضعت
سلسلة بأهم الاعداء وقررت قتل اشدهم ضراوة ... الملل
لقد مللت لون شعري كالعادة، لم يمر الشهر على تحولي
من الشقراء ذات العيون الخضراء (صحيح عدسات وصبغ ..هسه الا تحرجوني) الى سمراء يؤطرها
الاسود ولكن ما الضير من هذا التغير ... فالشكل اهم خطوات قتل العدو الأكبر
*** صباح الخير ( الساعه 12 تعتبر صباحا ان لم تكن فجرا
بالنسبة لي )
--- يا صباح النور انسه شذر كيفيك
*** منيحه تأبري ألبي ( كولوا مو لغات اني
)
بس اكيد حكون احسن اذا لكيتلي موعد خلال ربع ساعه
--- وشو يدك تعملي ؟
*** صبغه
--- نووو وي ما بيصير هيك شعرك بدو يهر كلو سوري ما
راح ساويه
(صراحه حقها )
***طيب خليه موعد بديكير منكير
--- تمام تعي بعد شي نص ساعة
بدأت في التحضير لأخذ حمام سريع
رسالة ....
وكما توقعت .... هو لا احد غيره
مر على اول حديث بيننا شهر سرقت بعض ايامه ، راقني
الحديث معه رغم احساسي بكونه ( ملعب و أبو بنات )
ولكن ماذا يمكن ان يحدث في أسواء الاحوال فانا لا
أزال مجهولة الهوية بالنسبة له لو جلست امامه ليوم كامل لن يستطيع التعرف علي، لا زلت
اتحكم بزمام الموضوع وبأمكاني بكل بساطة الانسحاب في اي وقت.
--- هلو ... وين انتي شو ماكو البارحه كله مختفيه
*** خليك حاير بصاحباتك مالك خص بيه اني بكيفي
--- هم رجعت وكالت بكيفي ما عدنه نسوان بكيفهم
*** انتو ماعدكم احنه عدنه
--- خل نشوف بكيف منو بلتالي حتصير
*** ما بيه حيل اجاوبك يله اريد اروح هسه بعدين نحجي
--- اكيد دتحضرين نفسج تشوفيني اليوم
*** هههههههههه خليك باحلامك الورديه
--- عموما هذا رقم تلفوني ودا انتظرج ... لتخافين حتى
لو محلوه اقبل بيج
*** صدك ؟ طمنتني جان ظال بالي ... لا تعب نفسك ولا
تنتظر
----ههههههههه باي انتظرج
*** باي
******
كنت الون رموشي بطبقة ثانية من الماسكارا حين وصل
تؤامي الروحي .... لحضه لحضه لا تاخذكم الاحلام الى بعيد ف (نوره) هيه نصفي الثاني
هذا
--- تره نوره جتي دتنتظرج
*** اوكي .... سما ليش متجين ويانه
---مالي مزاج والله روحو انتو واذا عجبني اجي وراكم
نسيت ان أعرفكم
سما اختي التي تكبرني بعام طويل جعلت منا مسافه
ال 365 يوما نقيضين في كل شي فلكل منا عالمها هي تلك الهادئة الرومانسيه وانا
....
لملموا فضولكم ستعرفون في باقي الاحداث
---يللللله تاخرنه وين صرررتي
صاحت نوره لأستعجالي
*** جيت هياتني
باي ماما
خرجت من البيت مسرعة قبل ان تمسك والدتي بنورة ويبدأون
بحديث لا نهاية له
في السيارة
--- يله وين نروح
*** اي مكان ....
جذبت الاغنية المذاعة اهتمامي
****
سمعي سمعي الله عليج
قلبي انا من الهوى خالي
من يوم فاركني الغالي
قلبي انا بعرضه للبيع
للبيع قلبي ولا بالي
أعلن الهاتف عن وصول رسالة فيسبوكيه
___ تره اني بدلت وخلصت وانتي ؟؟
أبتسمت، اعجبني اصراره
****
متكلي منين جايبه هلثقة ؟!!
وجه يلتسق في هاتفي ...
صرخت بنورة
*** شدتسوييين حتموتينه
--- منو منو ويامن دتحجين
*** نفسه شكو غيره ... يريد يشوفني
--- شكو بيها خلي يجي
*** صايره بطلة مدا اعرفج
--- مليت اريد اخلص منج
قمت برفع صوت المذياع أكثر فهذا المقطع على كثر
حبي له كان جوابا وافيا لها
مرتاح بالي وتفكيري
مالي انا في وجع غيري
من يوم علدنيا صغيري
شوري براسي ويبالكلي
--- خللص سمعتي ؟؟؟ ارتاحيتي يله دلي الكافيه خلي يجي
*** بتي ما اريده فهميني
--- وهو انتي شوكت ردتي احد ... خلي يجي مخسرانه شي
الولد مرتب ومبين ابن عائله
*** لو يظل اخر رجال بلدنيا .... واحد متخلف وابو نسوان
--- حتجاوبي لو شلووون
حسنا ساعترف قليلا لكم انا في فضول لرؤيته ولكني
اصر ( ما اريده لو اخر رجال بلدنيا )
*****
بعد وصولي الى المقهى بنصف ساعه تقريبا رن هاتفي
... وضعت فنجان قهوتي بعد رشفة لذيذة رن هاتفي .. كان هو بالطبع (رضخت وأتصلت نعم)
----اني وصلت انتي وين ؟
****
موجوده وينك مدا اشوفك
--- غير تجيبين ورده حمرة تأشريلي بيها
*** ظريف مو بيدك ..يله شفتك تعال
--- وينج ؟؟
هااااي انتي الدتأشريين !!!!!!؟؟؟
(( طبعا اكيد اني الجنت دا ااشر
...))
؟
ما سبب صدمتة ..
هل سيغير هذا اللقاء من قرار شذر ؟
أنتظروا فنجان اخر يحمل العديد من المفاجأت
******************************************************
الفنجان السادس
في طريقي اليه كنت اتحدث بالهاتف متوسله ب نوره
الفنجان الثالث
انا محتاجه جدا لميناء سلام ... وانا متعبة من قصص العاشقين واخبار الغرام
كن صديقي
كانت الساعه تشير الى العاشرة مساءا حين قرعت جرس المنزل .... انتظرت كثيرا على الباب حتى فتح الباب وظهرت وراءه عيون متورمة
--- ليش مماخذه المفتاح وياج
*** نسيته ... شبيج سما شصاير ؟
--- ماييه ... دا اشوف فلم وبجيت على النهاية
*** هاي الحجه تعبر على اهلج ... بس اني ﻻ
..............---
*** سما احجي عاد ..... هم ضوجج ؟ شسوه هلمره
---ماكو شي جديد بس اني تعبت
دق جرس الباب معلنا عن وصول ابي ... وكانت فرصه لهروب سما مني ( بس وين تروح وراها وراها )
حسنا .... اعرف بانكم تتحرقون شوقا لمعرفه تفاصيل اللقاء .... ولكن وكما تعلمون لا يحلو لي البوح الا مع قهوتي فتريثوا قليلا
وفي مكان اخر...
--- هااااا شلونه الموعد ... بس لا بوررري
××× هههههههه لا لا جايك واحجيلك
اعرفكم بنفسي احمد ... معذب القلوب العذارى (*** باحلامه طبعا بس ميخالف انتو كولو اي ) لن اتحدث طويلا عني فالاحداث ستعرفكم بي اكثر ... كما اني لا احب التحدث كثيرا ( *** ليش ضغطي من قليل يرتفع )
___ ابو جاسم الورد
### حبيبي شلونك
--- احجيلي دونجاون العرب ...
### هسه احجيلك ليش مستعجل
وبينما اخبر صديقي .... ستتولاكم شذر
**************
فاحت رائحة القهوة وبدأت تتسل كما تتسل الافكار الى داخل رأسي .... سما وحالتها التي تقتلني وتقتلها في نفس الوقت ....
انسكبت القهوه بعد ان نسيت اطفائها .... تذكرت لم انسى القهوه فقط نسيت ان احدثكم عن موعدي
حين اشرت له بيدي بدت ملامح الصدمة على وجهه ....
اتى نحوي مبتسما
### شفتي البنيه الكاعده هناك
التفت على يساري ... فتاه تميل الى السواد ... بدانه مفرطه ( فل اوبشن )
ابتسمت
***شبيها؟!
### عبالي انتي
انفجرت ضاحكه فنظره الرعب ﻻ تزال مرتسمه بعينيه
###والله ... اخر شي جنت اتوقعه انتي شايله هلجمال
كما قلت من قبل
*** ابوووو بنات
###والله العظيم ... طريقه حجيج ويايه متوقعت اشوف احسن من هيج
*** بعدين اجاوبك ... اعرفك ...نوره صديقتي ... احمد
### اهلا وسهلا
استمر اللقاء بشكل عادي ورتيب ...
في الواقع هو اكثر خجلا وتحفظا من الانترنت احببت اخلاقه... كصديق شخص ممتاز جدا ... لكن كحبيب من المستحيل طبعا .ليس لعيب فيه ولكن ....
---شدتسوين
*** حياتي سوسو تعالي
اقتربت مني كان حمار عينها بدأ بلاختفاء ولكن الام والحسره لم تترك وجهها الجميل .. ولن تتركه قبل نسيانه
احبته قبل سنتين ... تعرفت عليه عن طريق صديقه لها ... لم احبه منذ البداية ولكن قلبها لم يدق لسواه ... غباء الحب هو الوصف المثالي لما يحدث معها
--- شذر
*** عيونها
--- لتفتحين ويايه اي موضوع الله يخليج
نظرت اليها مطولا ... حالتها يرثى لها ساتناقش معها بلغد
*** خلص تعالي نشوف فلم
كان النوم قد سكن جفون سما المتورمة عند منتصف الفيلم
أما انا فقد تركتني في وسط حيرتي
ما هو الحب الذي يستطع اهداء هذا الكم من الالم للمحب ؟؟
هل ساعيش نفس حسرتها في يوم ؟؟
ام قدرتي على التحكم بمشاعري ستعفيني من تذوق هذه المراره؟
والاهم من هذا كله ما هو انطباعه عن اللقاء
ترقبوا هذا كله مع بوح الفنجاين الاتية
******************************************************
الفنجان الرابع
الاصدقاء نوافذ ولكل منهم منظر مختلف
احمد الله كثيرا على نوافذي ... عفوا اصدقائي فلي عدد لا بأس به منهم .... وفعلا لكل منهم اطلاله مختلفه لعالم خاص ومتفرد ...
اليوم هو اليوم المفضل من كل شهر
موعد خاص نجتمع فيه شهريا حيث تترك المتزوجة زوجها وصاحبه الدراسة او العمل كل ما يمكن ان يشغلهم عن يومهم هذا
كان موعد هذا الشهر في منزل نورة
وصلت مبكرا سابقة بقية الشلة
**** هلوو خاله شلونج حبيبي
--- الحمدلله انتي شلونج وماما شخبارها
*** الحمدلله زنين
---نورة دتبدل جوه اني حطلع هسه وكل شي جاهز يمكم
*** عاشت ايدج خاله تعبناج
وفي الغرفه كلعاده نورة تتحدث في الهاتف
محمرة الوجة
---يعني شسوي والله التهيت ........... دا اكلك اللمه يمي ومملحكه على شي
--- اوكي شويه واخابرك والله بس اخلص البيدي
نورة وعلي ( مشفتهم اذا ميتناكرون ) هو يحبها حد التملك وهي ترغب بان يفسح لها المجال لمزاوله حياه طبيعية كما كانت قبل الخطوبة
رن الجرس معلنا عن وصول اول حبة قهوة في فنجان اليوم
"""" مشتاااااقتلكم بناااات
سالي :
مجنونه الشلة انتقلت للعيش بعد زواجها لمدينة اخرى ولكن هذا لم يمنعها من حضور اجتماعنا الشهري ولاااا لمرة
""" شوكت عااااااد تقتنعون نسوي اللمه يمي ... والله احلى كعده تصير
*** انتو بعدلكم شبر وتوكعون من الكرة الأرضية شنجيييكم
""""" اني لعد مو اجي كل مره شو ما اعتررض
--- نوره : انتي ورجلج مخابيل احنه بعدنه عقال
"""" على طاري رجلي ذكرتيني اخااابره نسيته من وراكم
زواج سالي اغرب قصه زواج سمعتها في حياتي
خطوبه وزواج في عشره ايام مع ملاحظة ( لا تعرفه ولا يعرفها ) كان ابن عم حبيبها او بلاصح خطيبها .... بعد الانفصال تقدم لها ابن عمه زكاه لها في ساعه غضب
وتزوجت في لحضه عناد .... سعيده ام لا .... لا احد يعلم سوى قلب عنيد يسكنها
----شذر ... شذر
وين صافنة يابه مو صار خامس مسج يوصلج
تذكرت لم ارسل له منذ الصباح .... لم تكن من عاداتنا اني نسكت لفتره طويله
سافر قبل شهرين تقريبا فهو لا يأتي الى حيث اعيش الابشكل زيارة بين فتره واخرى
.... لسنا في علاقه حب (والله بدون كذب ) فقط نحن نتحدث يوميا (من نفتح عينه الى ان نغمضها )
### شو عايفتني
### وين انتي
###الووو
**** هلووو سووري التلفون مجان يمي والتهيت ويه البنات
###اوكي لعد اخذي راحتج بعدين نحجي
**** اوكي ما اطول اني
طبعا (فقلبي الصغير لا يحتمل ) ... احبه ؟؟؟! لا والله فقط متعلقه به الى حد الادمان *****
اكتمل العدد واحده فقط لم تأتي كانت مسافرة ... (حيث هو طبعا ) فلقلب يحملنا دوما للاماكن قد لا نرغب حقا بلذهاب اليها ولكنه تاره ياخذنا بحنينه واخرى برغبته بلهروب من واقعه
تناهى الى مسمعي صوت نوره وهيه تنصح ندى
---انتي ليش هيج دتسوين اهتمي بنفسج وبيه اكثر
"""اوووي نور والله مالي خلكه وملتهيه ميت شغله عندي مكافيني التوم هلمره هو
--- ندى تره كل عمرج 25 وكاعده تحجين جنج عجوز ... كافي طلعي من هذا المود خلي كل اسبوع يوم خاص الكم وحدكم سوا شي تحبوه ثنينكم لتخليه يمل منج
"""" والى متى اني الاسوي اصلا هو ميسوي واهس
--- خليج خليج هيج الى ان تخسريه
"""" الله كريم ... خلي نكعد ويه البنات عيب
استمر منوال الرفع والكبس المعروف بالتجمعات النسائية تعلقيات حول اخر اﻻحداث ومستجدات صديقاتنا المشتركات ... عدى عن الشكاوي والتذمرات من الرجال وقصصهم ومتطلباتهم .. الضوضاء كانت تمﻷ المكان .. ومع كل هذا لم تعلو اصواتهم على صوت افكاري
---نوره : شدتسويييين ؟؟؟
*** ولا شي توني دزيت للاحمد دا اشوف شديسوي
--- يعني كلنه ممالين عينج تفتحين ويانه موضوع رحتي عليه
**** لا والله بس هيج فضول
لا اعلم لما احس بهذا الكم من الفراغ حين يغيب قليلا رغم وجود الكثيرين من حولي ..... لمسته مختلفه عنهم دوما .. متعتي معه وقت حديثنا تفوق متعه اي محدث اخر .. وﻻ تسألوني عن السبب .. بل حتى ﻻ تسألوا انفسكم ... لن تجد عن عاشق اي جواب .. واذا وجده واجابك .. اعرف بان عشقه اخذ بالتﻻشي .
اتتمنا العشاء وحان الان موعدي مع معشوووقتي (القهوه )
...
اخذت فنجاني وذهبت الى الشرفه ..... للقهوه مزاجها المختلف عن كاسات الشاي التي يشربون .... ولي مزاجي المختلف الان .... مزاج لا اعلم هويته مزاج هﻻمي قابل للتغير في اي لحضه على حسب ما يحدث معه
رساله :
اني حروح انام انتو الظاهر سهرتكم مطوله ..... بس حبيت اكلج
جاني حاجز وباجر طيارتي توصل يمكم ب 8 بليل
صدمني .... لم استطع التعليق ؟؟؟
اقبلت سما نحوي ...
___ شذر شدتسوين هنا .. الكل ديسأل عليج
لم اكف عن التحديق بلهاتف ..والف فكرة في رأسي
ما الذي جعله يتخذ هذا القرار المفاجئ؟؟؟
هل تتوقف مفاجئاته الى هذا الحد ... ام هناك المزيد من ما ينتظر شذر؟؟؟
ما الذي تحمله الايام لصاحبة المزاج القهوائي
جميع الاجوبة مع فنجان سيد المفاجئات
*********************************************************************
الفنجان الخامس
الشوق دولة بلا حرس
يحكمها شي اسمه العشك
السفر الها اكبر صعب
لازم جوازك من ورد
لازم احساسك مو خشن
وبصمات ايدك تنفحص
كون انت ما كاطع غصن
هل شوقه هو ما دفعه للاستعجال في طلب إجازته ..... عن اي شوق اتحدث وكل ما بيننا هو مجرد صداقة ﻻ غير ...
--- شذرررر مو دا احجي وياج ليش متردين
ايقضني صوت سما من عالم الافكار والخيال .... فمنذ ان عدنا من منزل نوره وانا شاردة الذهن ... لا اعرف سببا حقيقي يدفعني للانشغال به الى هذه الدرجة فبطبيعة الحال قد صادفت الكثير من الاشخاص في حياتي ولدي عدد لا بأس به من الاصدقاء الذكور .... لا اذكر ان احدا منهم قد حرك بي ساكنا من قبل
---لا حول الله شذر هاي شبيج ركزي ويايه
*** شنو شتريدين حرام اصفن شويه
---وانتي من شوكت تصفنين ... سالمين
*** تغير... حاولت اشيلج من حياتي منشاليتي كلت الكالي غير طريقة
كأفضل جواب للساني السليط ( لسان الدلاله ) كما يحلو للمقربين بوصفي به ... قررت سما اهدائي ضربه من وسادتها فقمت بردها استمرت المعركه الطاحنة لمده غير معلومة.......
******
وفي مكان اخر يغلفه الهدوء ..
--- اكلك احمد ... شعجب استعجلت باجازتك خوما اكو شي
### لا والله بس حسيت روحي محتاج اغير جو
--- ان شاء الله خير
هذه الحجة هي ما تسلحت بها امام الجميع ولكن في حقيقة اﻻمر ... اشتقت لها ... لم تعد تكفيني تلك الكلمات التي تقرأ من خلف شاشة باردة ... أحتاج ردود افعال مطبوعة على مﻻمحها هي ﻻ على تلك الوجوة الصفراء ... بأختصار انا بحاجة ماسه لقربها نعم ( وكعت ومحد سمه عليه )....
(محادثة)
**** هلو
### هلووو
**** مو كلت حنام
### اي بس جنت ناسي احط جم شغله بالجنطة ( كذاب )
**** اوكي ... باجر منو حياخذك من المطار
### صديقي جاي
واستمرت المحادثة على هذا النحو دون ان يتجراء احد منا على ذكر سبب قدومه المفاجئ
********
في اليوم التالي أستيقظت بفعل صداع قوي يفتك برأسي ...توجهت لأخذ حمام سريع وغادرت المنزل متعللة بأكمال بعض المهام ....
كنت بحاجه للجلوس منفردة لتصفية اوراقي او على الاقل ل أحلال بعض الهدوء النسبي داخل نفسي .... هناك فيض من المشاعر المتضاربة في داخلي الان تعصف بي بلا هوادة
رن هاتفي
بصوت صارخ منفعل
--- انتتتتي وين شكد دكيت عليج ليش متجاوبببن
**** منتبهت على التلفون والله
( لم اكذب ابدا فصزت أفكاري كان أعلى من صوت رنة هاتفي بكثير )
---يله جايتج حضري نفسج
*** اني اصلا طلعت تعالي للكافيه
--- طلعتتتتي ؟؟؟ شكو صاير شي
**** لا والله هيج عجبني
بعد حوالي الساعة كانت تقف أمامي بيد معقودة وجبين مقطب
---شبيج ؟؟؟
*** مابيه ليش شكو ؟
---لابسه اسود ... اعترفلج احد خطبج احد ؟
( نعم انها احدى عاداتي الغريبة ظهور رجل في حياتي يكأبني الى درجة ارتداء السواد والجلوس وحيدة ليوم كامل وبعدها أتوصل لقراري الذي لن يتغير )
--- حسب خبرتي بمثل هيج كعده ولبس اكدر اكول احمد حينرفض
*** ماكو شي بيني وبين احمد حتى ارفضه او اقبل بي
نظره غير مقتنعه أكتست مقلتيها فأشحت بوجهي بعيدا عنها للهروب .. ولكن اتضح ان اليوم ﻻ منفذ من ما أكره ... حيث أطل أحدهم بمشيته المعهودة ... ونظرت اﻻستهزاء الي تلتمع في عينه ... ﻷن اتكرككم مع الفضول لفترة طويلة أعرفكم .... غلطت حياتي وجرحي القديم
---هذا شجابه هنا
كان هذا أول ما نطقت به نورة حال رؤيته
*** يعني اكيد مو اني مواعدته ..
أبتسمت بأستهزاء
يمكن ربج ديذكرني اخاف اتهور ( فعلا قد تكون هذي علامة من الله يذكرني بها بالتأكد من غلق أبواب قلبي جيدا )
--- ليش متسكتين بالله ميت مره كلنالج مو كل اصابعج سوه
**** صحيح طبعا همه ميتشابهون ﻻن كل واحد يدك الناقصة بطريقته الخاصة
--- شذر أحمد شي وعمار شي ثاني
في هذي الاثناء أطلت فتاة عشرينيه طويلة تحمل ملامح تميل بها الى عالم الجمال
--- منيه هاي شو كعدت يمه .... امشي خل نكوم يله
**** شبيج نوره بس لا مثلا عبالج حضوج ... اذا أضوج أو انقهر فعلى هاي المسكينة والي يتنظرها مو على شي ثاني
ما هي اﻻ دقائق معدودة حتى تركت تلك المسكينة الطاولة .. ﻻبد انها متوجهه للتعديل على هيئتها لتبدو بأفضل حالاتها امامه .. فهي ﻻ تدرك ان الخيانة تجري مجرى الدم منه .. ولن يكفيه وجود واحدة فقط في حياته حتى لو كانت حورية من حوريات الجنة
أنتهز هو الفرصة للتوجه نحونا
××× السلام لله
قالها بنبرته اﻻستفزازية المعتادة
*** هلو
أجبته بذلك البرود الذي يقتله
بدت العصبية جلية على ملامح نور في ذات الوقت الذي اعترتني رغبة ملحه للضحك من سخرية الاقدار أيعقل ان يكون الواقف امامي الان هو ذاته الذي كانت تصيبني الرعشة لمجرد رؤية اسمه كمتصل على هاتفي
أستأذنت نوره بعد ان رن هاتفها
××× هاي شبيها؟!
*** اجاها تلفون مدتشوف
××× على كيفج عيني شكلنه
تعمدت تجاهله وتركه دون رد
××× شفتي خطيبتي
**** ليش منو جان وياك مشفت احد
؟؟
××× بلي اجتي ورايه بنيه .. خطيبتي
**** صدك ؟؟ خطبت مبروووك و شايف كل الخير صدك فرحتلك
( أن اردتي في يوم ضرب رجل بعد الفراق في صميمه أثبتي له أنه خارج مجال طموحك واحﻻمك وان غيابه هو امر طبيعي جدا )
××× تسلمين ... يوم عرسج ... صدك ممليتوا من الخطوبة انتي وخطيبج شوكت العرس؟
أنفجرت ضاحكة
**** خطوبتي كذبه جانت حتى اخلص بيها منك وره ما ظليت نلح حتى نرجع سوه
بدأ وجهه بالتوهج غبضا .. كان سيصب لجام غضبه علي لولا قدوم خطيبته باللحضة المناسبة
،،، مرحبا
*** يا اهلا وسهلا
أبتسمت لها بحب وعطف .. ولكنها تجاهلتني متعمده .. (ونعم اﻻختيار .. اتهدهدى الجدر ولكه قبغه )
،،، حبيبي اتنظرتك هوايه
××× أعرفكم ..مروه خطيبتي .... شذر اخت صديقي
سرعة بديهيته في الكذب رائعة احسده عليها فعلا
*** تشرفنه حبيبتي... تفضلوا يمنه
××× لا شكرا دنتنظر اهل مروه يجون ... الجايات اكثر ان شاء الله
***** على راحتكم
للملاحظه فقط بقينا لساعتين او أكثر ولم المح اي احد يقترب منهم سوى النادل
رن هاتفي معلن عن وصوله
### نورت دبي دتشوفين الضوه من يمج
*** اول مره اشوفها هيج كئيبة وظلمة عبالي عدهم مشكله بلكهرباء
نعم نعم لا زلنا على نفس المنوال لم يختلف شي ( فقط بعض الاشياء الصغيره كلمشاعر مثلا)
*******************
عدت الى المنزل مساءا محملة ببعض الاغراض
من ضمنها هدايا لعيد ميلاده
--- شنو هاي العلبة الي بيدج
كادت ان تسبب لي سما جلطة في قلبي .. حيث ضننت ان امي هي المتحدثه
****مرة الثانية دكي الباب ميت مرة اكول
---- لتغلسين .. شنو هاي اللعبة
أجبتها بتردد
**** هدية عيد ميلاد احمد
--- زين ليش الغلاف ابيض شنو كايم من مرضه
خشيت الاقترب من اللون الاحمر لا اريد اي شيء يحمل ايحاءت الحب .... يكفيني الخوف الذي يملاني لا حاجه بتفصيل يثبته
حين وضعت الفنجان على الطاولة كنت احاول ان اقلل من الم لساني بسبب حرارة القهوة .... عموما هذا شئ متوقع
فحين اذكر عمار لا مجال لحدوث امر جيد ...
اعرف مدى فضولكم اﻻن لمعرفة ما حدث معه
ثلاث سنين بثلاثين طعنة لم نلتقي خﻻلها سوى 4 مرات اما محادثاتنا فكانت بعدد طعناته
رسالة
××× متوقعت منج ابد تكدرين تكذبين هيج كذبة تعرفيني احبج ليش هيج سويتي .... جان انتي الي جنتي ويايه اليوم بلكافي لو ما تصرفج
الحمدلله لم اكن انا ... الان فقط عرفت معنى (( وعسى ان تكرهوا شيئا وهو خير لكم )) حزني على فراقه حينها لم يكن سوى غباء لا اكثر
صدقوني سيأتي اليوم الذي تضحكون فيه على جراحكم وفي ذلك المساء احتفلوا ف به ميلاد جديد لكم
بلنسبه لي احتفلت كثيرا بذلك التاريخ وكانت هديتي لقلبي وعد مني باحكام اغلاقة وحمايته حتى التقي من يثبت حسن سيره وسلوكه في دنيا الغرام
ولكن هل سأوفي بوعدي هذا ؟؟؟
هل سأبقي قلبي بعيدا عن المتاعب ؟؟؟؟
تابعوني وانتظروا فناجيني لمعرفة المزيد
******************************************************************
واحضنت ايدك ايده ورجف جوايه الخجل
مدري ابجي مدري اضحك دخت انه من الغزل
طيرت عقلي جنابك ... وكلبي صاح وما اتحمل
خايف من رمشك انه خوفي لا بيه انكتل
وخايف ابدي وياك صفحه وانته عنها تنتقل
خوفي ابدي وياك صفحه بيها اعيش بيها انكتل
اناخوفي ابدي وياك صفحه بيها اعيش وانكتل
مدري ابجي مدري اضحك دخت انه من الغزل
طيرت عقلي جنابك ... وكلبي صاح وما اتحمل
خايف من رمشك انه خوفي لا بيه انكتل
وخايف ابدي وياك صفحه وانته عنها تنتقل
خوفي ابدي وياك صفحه بيها اعيش بيها انكتل
اناخوفي ابدي وياك صفحه بيها اعيش وانكتل
رن هاتفي مبكرا على غير عادته ﻻ بد انه المتصل شخص غريب .. فالمقربين
على دراية بأني لن اترك غفوتي للاجيب
الح الهاتف بلرنين
**** الوو
قلتها ببطئ وانزعاج
قلتها ببطئ وانزعاج
###بعدج نايمه كومي مو كتلج لتسهرين
**** احمد بعدها ب 10 حرام عليك
###ب 12 انتظرج عندي شغله اكضيها يين متخلصين
احتجت لدقيقة للأستيعاب نحن في نفس البقعة من الارض لم تعد الاميال
تفرقنا .. اتتفضت من سريري بسرعة
جهزت الحمام وذهبت لتحضير ما سأرتديه .... تهت بين ملابسي .... لا شئ مناسب لارتدائه.... و لا وقت لي للذهاب للتسوق .... اخترت فستانا على عجل وبدأت بلتحضيرات ...
جهزت الحمام وذهبت لتحضير ما سأرتديه .... تهت بين ملابسي .... لا شئ مناسب لارتدائه.... و لا وقت لي للذهاب للتسوق .... اخترت فستانا على عجل وبدأت بلتحضيرات ...
رن الهاتف برنته المعهودة
--- شذر تلفونج يدك
--- شذر تلفونج يدك
*** شوفي من....... لا لا عوفيه هسه جايه
اطلت برأسها بيبني وبين المرآه
---حلوه حلوه كافي الولد دينتظر
احسست بحراره تعتريني
*** اصلا عادي ممسويه شي زايد بعدين يا ولد هذا
--- احمد مثلا
تجنبت الرد حملت حقيبتي وهربت
--- شذررررررر
*** شكووووو
--- نسيتي هديته
*** شكووووو
--- نسيتي هديته
نعم نعم كما يقولون اخوانه المصريين سما اليوم ( مستقصداني )
في طريقي اليه كنت اتحدث بالهاتف متوسله ب نوره
**** نوره لخاطري الله عليج تعالي ويايه
--- والله ما اكدر اليوم الكل معزوم يمنه انتي هم لا تتاخرين الله عليج
*** لج والله منتاخر لتصيرين نذله وتعوفيني
--- والله ما اكدر اليوم الكل معزوم يمنه انتي هم لا تتاخرين الله عليج
*** لج والله منتاخر لتصيرين نذله وتعوفيني
--- مراح ياكلج ... بعدين هو مو مجرد صديق ليش كل هذا الارتباك
شعرت بالكره نحوهم جميعا فحتى القطه التي عبرت الشارع بدت وكأنها تستهزء
بي حين رمقتني بنظراتها
*********
وصلت على الموعد ( تقريبا )
كان بانتظاري هناك مع باقه حمراء والكثير من الارتباك ....
وقفت بعيدا لبهره لم يكن بأستطاعته ان يراني ... كان مرتبكا .... يبحث بين الوجوة ... يتاكد من هندامه تارة ويوجه نظره نحو الزهور تارة اخرى
توجهت نحوه بخطوات ﻻ تعرف الثقة ابدا
وصلت على الموعد ( تقريبا )
كان بانتظاري هناك مع باقه حمراء والكثير من الارتباك ....
وقفت بعيدا لبهره لم يكن بأستطاعته ان يراني ... كان مرتبكا .... يبحث بين الوجوة ... يتاكد من هندامه تارة ويوجه نظره نحو الزهور تارة اخرى
توجهت نحوه بخطوات ﻻ تعرف الثقة ابدا
### هاي الج تفضلي
كان القلق يبدو جليا على مﻻمحه ... باقة حمراء كبيرة تلفت اﻻنظار كانت مميزة جدت
حسنا لقد وصلتني باقة من معجب في احدى المرات ..... لأتذكر .... اخرى من شخص اخر والاثنان لم يفرحاني او يحركو بداخلي اي احساس معين
كان القلق يبدو جليا على مﻻمحه ... باقة حمراء كبيرة تلفت اﻻنظار كانت مميزة جدت
حسنا لقد وصلتني باقة من معجب في احدى المرات ..... لأتذكر .... اخرى من شخص اخر والاثنان لم يفرحاني او يحركو بداخلي اي احساس معين
*** كلش حلوات عاشت ايدك
ضممتها كطفل جميل
واخترنا مقهى فيروزي المزاج للجلوس به
كانت تصدح بكل حنين
كانت تصدح بكل حنين
سألتك حبيبي لوين رايحين
ااااه يا فيروز اخيرا وجدت من يفهمني اليوم
*********
وفي مكان اخر
--- مرحبا انسه شو بدك تطلبي
^^^ ولا شي بعد شويه
^^^ ولا شي بعد شويه
حين يعصر قلبها الحب كانت سما تفضل الجلوس وحدها ( عسكي تماما )
انا سما محدثتكم اليوم .... سأبدء كلامي بنصيحة ﻻ تقتربوا للحب ابدا
....حسنا لكم ان تحبوا فلحب جميل ... ولكن لا تعشقوا ابدا... على الاقل مثلي
لم اذكر ان هناك من استطاع ان يهز شيئا في داخلي .... الا هو كنت قد
تعرفت عليه عن طريق صديقتي ذات يوم ... اعجبنا ببعض ... وما هي اﻻ مدة قصيرة حتى
تحول اﻻعجاب الى حب .... واليوم العن صديقتي في اليوم الف مرة
يحبني .... نعم .... يخونني ....ههههههه احيانا ..... زواج .... مستحيل
وفروا اﻻسئلة .... فانا على قناعه تامه بقدوم اليوم الذي يغير الله به كل شي
يحبني .... نعم .... يخونني ....ههههههه احيانا ..... زواج .... مستحيل
وفروا اﻻسئلة .... فانا على قناعه تامه بقدوم اليوم الذي يغير الله به كل شي
رن هاتفي
،،، ها حبيبتي انتي وين
،،، ها حبيبتي انتي وين
حقيقه لا املك القوه الكافية للاخبره بأني قد خرجت بمفردي
^^^ ويه هبه حبيبي انته وين
،،، بلبيت توني رجعت اني حنام ساعه وكعديني
،،، بلبيت توني رجعت اني حنام ساعه وكعديني
لم يحب هبه (اعز صديقاتي ) في يوم ولكنه لا يطمئن ان لم اكن معها
..... حاولت دوما معرفة السبب ... ولكن مع مرواغ مثله .. تكون اﻻجوبة معلقة
دوما
في هذي الاثناء اتصلت هبه
اترككم الان وللحديث بقيه
*******
اعبث في هاتفي.... الورود ... اي شئ قد يقلل من ارتباكي ...و لم اجد ما قد يكفي لتهدئتي غير رشفه من قهوتي
اترككم الان وللحديث بقيه
*******
اعبث في هاتفي.... الورود ... اي شئ قد يقلل من ارتباكي ...و لم اجد ما قد يكفي لتهدئتي غير رشفه من قهوتي
### شبيج مو على بعضج
**** اني ؟؟ ما بيه
### شو طالعه كلش حلوه
*** من يومي
قلتها وانا افرك باصابعي خجلا
**** اني ؟؟ ما بيه
### شو طالعه كلش حلوه
*** من يومي
قلتها وانا افرك باصابعي خجلا
### شو اضافرج
ضضننته يريد رؤيتها فممددت يدي ... لم اشعر الا وقد احاطها الدفء من بعد
الجمود الذي كانت به ... حاولت سحبها ولكن بلا فائدة
### خليها
### خليها
*** احمد الله يخليك منا الناس
### خطيبتي وحر بيها
### خطيبتي وحر بيها
اربكتني كلماته ... تحدث بثقه كما لو كان مايقوله واقعا .... لم اعد
اعرف ان كان سبب احساسي بلحرارة يده التي تحتضنني ... ام كلماته الصاعقة
ترى هل احمد جدي بطلبه ؟؟؟
هل ستوافق شذر بلخطوبه ؟؟؟
هل ستوافق شذر بلخطوبه ؟؟؟
انتظروا لنرى .... هل القادم فنجان قهوة ام كأس عصير
*********************************************************************
******************************************************
الفنجان السابع
عندما تطرق الفرصه الباب بعضهم يشكي من الضوضاء
حكمه اعجبتني
لست سلبيه ولكن منطقيه انساق لعقلي وتحليلاته اكثر من قلبي .... فانا اخاف
عليه بقدر ما اخافه فكثيرا ما اتعبني ذلك النابض اﻻحمر
باب الغرفه يفتح بدون قرع ( نعم
انها امي )
=== شذر ماما
*** نعم حبيبتي ... حياتي روحي
=== بلا لواكه وكومي جيبلنه جم شغله عمتج وبناتها حيجون اليوم
*** شنووووو ؟؟؟ شوكت كالو؟؟ اليحجي هسه
=== ليش ينرادلهم موعد مثلا همه اهل البيت
*** بس اني متواعده ويه البنات شلون
=== اخذي البنات وطلعو منو لازمج
( متاكده انكم تشعرون بورطتي .... علي رؤية احمد اليوم فنحن نحاول الحصول
على اطول وقت ممكن معا واستغلال كل لحضه )
اتصلت به
### هلو حبيبي
*** هلو حمودي شلونك
(بلنسبه لي لا للكلام معسول )
### مشتاقلج كومه ... اكلج
خليها فد ساعة ونتلاكه ليش للعصر
*** ممممم المشكله اصلا محكدر
### ليش ؟؟؟
*** بيت عمتي جاين يمنه
### زين ؟؟
*** بناتهم بعمري .... و ماما كلتلي اذا تطلعين اخذيهم
### اي حبيبتي اذا حلوات شكو بيه ميت هلا
انزعجت من هذا التعليق.... قد لا اكون متيمه به ولكنه لي انا وحدي
انهيت المكالمة متعلله
بالاستعجال و لكن في الحقيقة انزعاجي هو
ما دفعني للانهاء المحادثة
رسالة
### اموووووت على اليغارون وميحجون
ثقته القاتله تزعجني .... قد تسبب في لحضه عناد مني الى كارثة
********
حينما وصلوا ضيوفنا ... كنت قد اندمجت في اﻻجواء وخصوصا مع
ايه ( ابنه عمتي ) فنسيت حتى موعدي معه
فلتشابه كبير في شخصيتنا .... بل
و حتى في الملامح
*** احجيلي شكو ماكو اخبار
،،،
والله حبي الاخبار يمج
*** على حطت ايدج
لم استطع اخبارها باي شي فلا تسميه لوضعنا بعد والتفاصيل التي اعتبرها
مهمه هيه مجرد نقاط بسيطه لا تشكل اي معنى للغير ... في العلاقات وحدهم المعنيون
هم من تشكل البسمة والتنهيده علامه فارقة ...
حين وصلت رسالة منه كان هاتفي بين يدي ايه وهي تقلب الصور الملتقطه في اخر
تجمع لنا .... انقذتني سما في تلك اللحظة بعد ان لاحظت
ارتباكي
--- شووو انطيني التلفون ايه .... عوفيج منه واحجيلنه شصار وياج
،،،
بعدني نفس المعناه لتذكريني
بصراحه شت تفكيري عنهم
.... لقد كان فحوى الرساله بسيط جدا وعادي... ولكن لا اعرف لماذا حروفه تأخذني الى
مكان اخر
--- مو بله شذر
هذا ما قالته سما لتعيدني إليهم
*** هو اني اصلا شفاهمه من موضوعها .... احجيلي من الاول
*****
حين اتصلت شذر والغت الموعد احسست بفراغ شديد ..... في العادة حين كنت اتي الى هنا كنت مشغول طوال
الوقت بين الاقارب والاصدقاء .... ولكن الان لا يحلو لي امضاء الوقت سوى معها
جلست في المقهى
رساله فيسيوكيه
'''' هلو حمودي وينك انته شو مختفي ... متكول هاي حبيبتي اسئل عليها
رساله متوقعه في وقت غير مناسب ... الحمدلله بان شذر لا تعلم بكلمه السر
لحسابي
*******
حين بدئت ايه بسرد وقائع ملحمتها
دخلت الخادمه
+++ شذر ماما يكول تعالو صالون
*** يعني ابددددد مو وكتها
،،،،
عادي عادي حبيبتي هو اني بشنو كلبي ممشلوع ضلت على هاي
--- سما : اي والله
من المتداول ان الحب يهدينا احلى لحضات حياتنا ... ولكن حسب تجربتي وما
اراه فهو يعطينا الاسوء
""" يله ماما ايه دنروح
*** شنووو عمه وين تونه كعدنه ( اي احمد هذا واي موعد قصه ايه اهم بكثير
)
""" هم يله حبيبتي وعمج هم اجه
--- زين عمه خلي ايه يمنه
""" غير تكلبها علياء مناحه مكافي مجتي
*** خليها هيه بكتبه وامتحاناتها احنه ماعدنه شي
--- يله عمه سهليه والله صارلنه هوايه مشايفيها
وبعد محاولات عديدة رضخت عمتي للامر الواقع .. العناد كالدم يسيري في عروق
عائلتنا ...( حمدا لله
لست انا السبب بل
الجينات )
***************************************
جميع لوازم السهرة جاهزه ... مأكولات
خفيفه ... مشروبات باردة وساخنة ... والاهم طبعا اميرتي القهوة
دق جرس الباب معلنا عن وصول نوره ... فلا تحلو السهره الا معها ... اما
هبه فاضطرت كلعادة للبقاء في المنزل تحت الإقامة الاجبارية للحب
*** هلا بسورها ونورها
''''' مشتاقتلج ولج
( اقل من اربعه وعشرين ساعة هيه ما يفصلني عن اخر لقاء لنا
)
*** اي مو صارلنه قرن تدرين ....لو ما البارحة مكابلتني وكاعده
رن هاتف نوره وبالطبع علي هو المتصل
لا مجال للتنفس او التحدث الينا يجب ان تكون ملكه فقط ... اضطرني في احدى
نوبات الزعل التي اكون انا طرفها الثالث ان اخبره .... (علي انته دتنخنكها ) لم
يبقي مجال للمجاملات .... قد تكون ضحيه سكتة قلبية اذا استمر على حاله هذا
واخيرااااااا
هذا ما صرخنا به انا وسما حين بدأت ايه بسرد قصتها
،،،
قبل فتره بنيه ويايه بلجامعه نطتني البن كود مالتها ... ضفتها بس بدل متطلع هيه
طلعلي واحد ما اعرفه دخل حجه ويايه
*** زييين
،،،
بصراحه جنت ضايجه... حجيت وياه ... وبعد قال وقلت عرفت الغبيه كاتبتلي البن كود
غلط
""" احجي علسريع مو شلعتي كلبي
،،،،
هههههه بعدج مشفتي شي من شلعان الكلب *** خليها تكمل لا اكتلج واكتلها
،،،،
ااااي ... المهم ضلينه نحجي اني وياه يومين تلاثه ... طبعا جان حاط صورته ... الي
هيه هاي
وكلقطط اطللنا برؤسنه الثلاثه وبنبره واحده
*-" يخببببببببببل
،،،
واكيد اني هم تخبلت عليه حالي من حالكم ... المهم ضلينه نحجي اني وياه جان يحاول
يبينلي انجذابه بس بنفس الوكت احس اكو شي مانعه ...
دخلت امي في هذي الاثناء
^^^ يله بنات متتعشون .. صارلي شكد دا
انتظركم
""" خاله مو اكلنه خفايف قبل شويه
^^^ بعد سويته دبروا روحكم واكلو
توجهنا للعشاء الذي انقطع عند رنه
جرس الباب
صوت اسراء ( صديقه امي ) رن في اذاننا برنته المعهوده
=== سمعت الحلوات ملتمين كلت اجي اشرب كهوتي وياهن
*** ميت هلا بيج خاله صدك جذب جنج على
*** ميت هلا بيج خاله صدك جذب جنج على كهوه
فرحنا بقدومها جدا .... ففنجان أسو كما يحلو لها ان نناديها ( مينزل الكاع
)
بدأت بفنجاني ( لست أنانية ابدا لي الاحقيه فانا من حضر القهوة
)
=== حلو واسمر وجايج من الباب ... واكو لاخ جاي وياه .....
*** زين خاله هذا الاسمر حتكمل وياه
وغزتني سما ... احسست باندامجي بنظرات
اسراء الفضولية
=== هو الولد رايدج بس حتصير مشاكل وراها يمكن ترجعون
**** بيبني وبين نفسي ( اسم الله الرحمن صوجي اني كتلها اقريلي
)
تدخلت سما مبعدة فنجاني وهي تطالب بدورها
و تكدر صفو مزاجها بعد الفنجان ( كلعاده ) فهي تتحسس من اي شي ممكن ان
يقطع املها به
اما نوره وايه فكانوا في عالم اخر تماما
اليوم الفنجاجين هي من باحت لنا
ترى
هل سيكون قدرنا الفراق فعلا ؟؟؟
وماذا عن البقية
هل هناك ما يمنع فارس
احلام ايه فعلا ... ام هو الخوف الا مبرر الذي يمرنا حين تطرق ابوابنا السعاده ؟
وماذا عنه ... ؟؟؟ هل لخوفي انا مبرر ام لا
الغاز كثيرة لن نجد حلولها الا مع اول خيط لرائحة فنجان قهوتي المقبل ....
فانتظروني
******************************************************
الفنجان الثامن
لقد تعودنا دائما ان نربط فرحنا بلخوف ... أولسنا الشعب الذي اذا ما ضحك كثيرا قال : اللهم اجعله خيرا
حين استيقظت لم ابرح الفراش كانت الافكار هي من تاخذني لعالم ثاني اشعر بالسعادة معه ... راحه .. امان ... ولكن شي في داخلي يأمرني بلانسحاب والتوقف ... ورغم تمردي على شعوري هذا الا انه يسرق مني فرحي به ..... اتمنى طرده من داخلي
لكن الخوف يستوطنني
سرحت في صورته المحفوظة في هاتفي .... لا يعقل ان تخون عيون بهذه البراءة ... صغيرة وناعسة و تحمل حنان الدنيا كله
نهضت على اطراف اصابعي كي لا اوقض ايه .... الجميع نائمون ولكنه ينتظرني لا استطيع اني افضل موعدي معه ب موعد مع ( مخدتي) ساضحي بنومي من اجله فأي تضحية اكبر يريد مني
********
صباح الخير ....
اول جمله اطبعها حين افتح عيني على هاتفي فأي صباح هو اجمل من صباح يجمعني معها ....
موعدي معها بعد ساعة لا اعلم لماذا تأخرت اليوم في النوم
قد يكون السبب سهري متاخرا يوم امس ....قرار مفاتحتها بموضوعنا اخذ مني الكثير من الوقت .... احتاج لجراءة ﻻ أملكها
عقلي متردد وقلبي يدفعني .. سأرى اليوم ما سيحدث
*******
حين استيقظت ايه كان هاتفا يرن .....
فتحت الهاتف دون ان ترى من هو المتصل
+++ ويييينج صارلي شكد ادك عليج
،،،، ناااايمة .... البارحه للصبح كاعدين
+++ جمااااله .... مكافيج عايفتني
،،، فرح خل اصحصح واخابرج
كانت تأمل سماع نفس الكلمات .... لكن من صوت مغاير
لم تجد منه اي رسالة او اتصال
عادت بذاكرتها لأول لقاء بينهما .... كانت منزعجة جدا في المجمع التجاري مع مجموعة من الصديقات اللاتي رافقن صغارهن .... لم تتعود على ضجه ممثاله فمنزلهم الخالي من الاطفال يجلعها تتوتر بحضورهم
مر بلقرب منها اكثر من مره نظراته تحمل سحر رهيب ... جاذبيته لا تقل تقل سحرا عن نظراته
ظلت خطواته تتبعها بصمت
لم يحاول الكلام معها ولا حتى اعطاء رقمه كباقي الشباب اكتفى بلنظر اليها فقط
من يصدق تلك الصدفة التي جمعهم بها البلاك بيري بعد شهرين .... ظنها متقصدة ولكنها بريئة برأه الذئب من دم يوسف
وصلت رساله منه
××× هلو شلونج ؟ وين انتي
قرئتها بتمعن ... تحسست جفونها المتورمه يريد رؤيتها اليوم .... ولكن بعيون كهذه مستتتتحيل
******
وصلت للمكان المحدد للقاء.... دخلنا سويا الى المطعم
حين نكون معا نلفت الانظار دوما لا اعرف ما السبب قد نكون متلائمين جدا .... او العكس من يدري
لم يحب الطاوله التي جلسنا عليها
بلنسبه لي كانت مﻻئمة .... اما هو
### كومي كعدي بمكاني
**** ليش مرتاحة هنا
لم يعطني المجال الكافي للرفض كان قد تحرك من كرسيه ووقف عندي
احببت غيرته .... ولكن لم ابين له ذلك
*** مالها داعي ليش كومتني
### احسن ما اتصور اثر عليج الموضوع
لم يقل انه انتبه على نظرات الشاب المقابل لي .... ربما كرامته لم تسمح له
وصلت نورة في هذه الاثناء
--- اذا طلعتو ماكلين اقروا على روحكم الفاتحه
### اصلا صارلي ساعه اتوسل بيها انتظري انتظري ولا قبلت اكلت وعافتج
*** نورتي تصدكين بيه هذا حاروكه
--- لا ما اتصور وصلتي لقوه الشخصية الي تخليج تسوين هيج شي
*** هيه مو صوجج صوج التنتظرج
خلال الغداء وبعده لم اشعر بالراحة أبداً شي ما في داخلي كان يزعجني
اعتذرت للذهاب للحمام
لحقتني نورة
--- شذر شبيج ؟؟
*** ما بيه ليش ؟؟
--- هاي رابع مره تعوفينه وتكومين
**** مدا اكدر دا اختنك اني ﻻزم انهي كل شي وياه
--- انتي تخبلتي ... شذر الولد يحبج وشاريج
*** ميخالف بس ما اكدر نوره انتي من اﻻول تعرفين .... ما اكدر والله
--- شذر ... احمد توه ديكلي يريد اهله يتعرفون على اهلج هلاسبوع
صدمني الخبر .... ولكن ماذا عن شعوري فعلا ليس الان الوقت المناسب
---لتصفنين اني كتله انتظر فد شهر عرفوا بعضكم اكثر لتسون هيج خطوه وانتو مو واثقين من مشاعركم .... انطي فرصه لشذر
*** وشكلج
--- سكت وبعدين كال اوكي
شعوران متضاربان في داخلي تمنيت لو ان نورة لم تقل له هذا الكلام .... وشعور اخر بالراحة لاني لست ملزمة باعطاء اي جواب الان
*****
قرروا سما وايه الذهاب لتمضية بعض الوقت في التسوق والغداء
--- زين اني مفهمت ايه ... هو شلون فتح موضوع ذيج وياج
،،، هو سألني اذا تعرفيه لان احنه جنه جيران
--- زين ؟؟ وشكتيله عنها
،،، يعني شكله ورده وخوش بنيه
--- انتي شبيج مخبله تشجعيه عليها
،،، سما اني احجي الصدك والي يكوله ضميري
--- زين هو شدعوه هلكد يحبها
،،، هو علاقه وياها من جانت بلمدرسه تخيلي يعني جم سنه بس هيه بعدين تغيرت عليه
--- حلوه هيه ؟؟؟
،،، ايه من الجمااااال
---ممممم وتالي
،،، ما اعرف سما اني حتخبل كلش معجبة بيه وهو هم معجب بيه كلش بس المشكله يكلي اني حجيتلج شكد احبها قبل لا اشوفج واعرف نفسج الي بلمول ..
--- ايه هذا الولد تافه اني ممقتنعه بيه
،،، واني مقتنعه بشي واحد مستحيل هاي الصدفه الصارت ما الها سبب
غالبا ما يقنع العشاق انفسهم باشياء لا اساس لها فقط ليرحو قلوبهم التي اتعبها الحب ... وفي الحقيقه هم يتعبوها اكثر ولكن ... بزمن مؤجل
******
عدنا الى الطاوله .. كانت مﻻمح اﻻرتباك بادية على تصرفاته ..
اعتذرت نورة وذهبت للتحدث بلهاتف
*** شو طولتوا انتي ونورة .. الظاهر جان عدكم حجي متردون اسمعه
### ولا شي ... حجي عادي على موضوعها ويه علي
*** بس ؟
### اي .. لعد شكو قابل ؟؟ ليش اكو شي ؟
مستحيل ان تكذب نورة بموضوع كهذا ولكن هو ؟؟
لم يتجنب اخباري؟
********
ترددت ان اخبارها الان .... رأيت في كلام نورة نقطة منطقية .... لا حاجه للاستعجال
يجب ان نعتاد على بعض اكثر ... شذر ليست بالشخصية السهلة لجعلها تحبني بهذه السرعة فعلا احتاج الى وقت
### حبيبي وين صافنة
*** ولا شي بس دا افكر بنورة شو تاخرت
### عايفه حبيبج وكاعده تفكرين بيها
******
توردت وجنتي خجلا فلم اتعود على كلام كهذا من قبل
ستسألوني عن عمار .... طبعا لا فنحن كنا في صراع دائما ومشاكل لا تنتهي كما ان علاقتنا كانت مقتصرة على الهاتف والصدف
قد مرت ثلاث سنوات على انهائي لعلاقتي به كرهت فيها الحب والرجال وتعقدت من الزواج
بعلاقتي معه عرفت كيف تكون الخيانه ... عرفت معنى ان يطعنك حبيبك وتكون صديقتك هيه السكين
أي ايام تلك للاتذكرها الان
--- شبيكم شو ساكتين
### والله ما ادري شو على غفله راحت بغير عالم
*** اني لو انته
### انتي طبعا
--- عفيه عفيه ... تناكرو اريدكم اكثر
*****
حين عدت الى المنزل كانو سما وايه قد وصلوا قبلي بدقائق
اشتروا اشياء جميلة فعلا
*** و ااااني مشتريتولي شي
،،، جان جيتي ويانه يعني لازم جان روحتج لهاي صديقتج
--- تبسمت سما في خبث .... ﻻززززم فوك متتصورين
رمقتها بنظره جعلتها تمسك ضحكتها بصعوبه ...
**** حلو هذا الفستان أيو بالعافية
--- شللللون لعد عيني باجر حتشوف الحب.. احلى فستان بلسوك اخذته
*** بعدج مصرة وعندج امل
--- ليش البارحه حجتلج الموضوع؟؟؟
،،، طبعا بكل تفاصيله قابل مثلج لفت راسها ونامت
--- شسويلكم سهرتكم بدت متاخر
بينما كانو يتحدثون احسست ان راسئ سينفجر ... توجهت الى المطبخ مباشرة وبدأت باعداد معشوقتي
حين سكبت القهوه تذكرت كلام اسراء البارحه ... ( حتتفاركون بس وراها يمكن ترجعون ) وكأنه ينقصني قلق وخوف اكثر من الذي يعتريني وجاء اليوم صمته عن الموضوع ليزيدني خوفا
تذكرت ... لم يتصل منذ ان عدنا للبيت
اخذت هاتفي واتصلت عليه ... لكنه لم يرد توقعت اي يعيد الاتصال بعد قليل ... عادة تركه للهاتف وعدم الاجابه المباشرة تزعجني اعلم ان اغلب وقته يقضيه مع عائلته ولكن هو رجل لماذا التحرج الزائد
اتصلت مره اخرى ولم يجب ايضا
بدأت اعصابي بلاشتعال .... والافكار السوداوية بلتزايد ...
ماذا لا يجيب ... ايعقل ان يكون مع اخرى الان ؟؟ او يحدثها على الهاتف مثلا ؟؟ لقد علمتها علاقتها بعمار ان لا تثق برجل ابدا كائن من يكون
ترى هل ستتجاوز شذر عقده عمار وتبدأ بحياه جديده ؟؟
ما سر اختفاء احمد ... وماذا ستكون ردت فعل شذر ؟؟
ما مصير علاقه ايه وهل ستسطيع ان تهدي عاشقها النسيان وتبدأ معه حياه جديده ؟؟
فنجان جديد سيجمعنا بكم ... يحمل مع رشفاته اجابات اسئلتنا ... فانتظرونا
****************************************************************
الفنجان التاسع
اجيبيه بنعم حتى لو كنتي تموتين فزعا ، حتى لو ندمت فيما بعد ، لانك على ايه حال ستندمين طوال حياتك ان اجبته بلا
غابريل غارسيا ماركيز
فتحت عيني بتكاسل ... وكعادتي لبدء ليوم جديد تذكرت ما حدث امس .. عاود الاتصال بي لم اجبه في البداية الح بالاتصال فاجبت ... مناورات الحديث طالت تحجج بنسيانه الهاتف في سيارته .. حاولت الاقتناع لاهدئ من روعي وحدة غضبي( قشمرت على روحي) ... ولكن قلتها بحزم لن اتصل بعد الان ان شئت اتصل انت
******
ولأني ادرك مدى عنادها وتنفيذها لاي فكرة تدور في رأسها توقعت ان تستيقظ ولا تتصل
لا املك الكثير من الوقت هنا لأضيعه بزعل ومشاكل اريد استثمار وقتي كله معها ... رؤيتها تريحني وبذات الوقت تقلقني لا اعلم الى اين ممكن ان توصلني مجنونة كهذه
###صباح الخير
*** صباح النور
### توقعتج كاعده واكيد محتخابرين
*** اكييييييد
###مخبله
.................****
### يله كومي حضري نفسج اليوم ورانه كومه فر
*** اوكي
*********
دخلت ايه الغرفه
*** عبالي رحتي البارحه
،،، خوش طرده
*** لا والله بس سمعتج هيج كلتي واختفيتي واني لزمتني دوخه ونمت
،،، اي شفتج دتتعاركين بلتلفون كلت اعوفج
براحتج ... بعدين تعالي هنا شنو سالفه الدوخه وياج
*** ماكو شي مدا اشبع نوم
،،، شذر ؟؟
*** ماكو والله
،،، خففي عصبيه
*** الله كريم
،،، نسيت غراضي بكنتور سما اروح اجيبهم
*** شنو حلمانه بيهم
،،، اريد البسهم اليوم حشوفه
*** انتي متاكده من الدتسويه
،،، لا
*** لعد ليش دتسويه ؟؟
،،، ما اعرف
لا استطيع ان الومها ... فانا ايضا لا اعرف لماذا انا مع احمد خصوصا واني اعلم بمقدار الحواجز بينهم ... إنها واحدة من لعنات الحب الي تجبر العاشق ان يقول نعم بينما عقله يصرخ ب لا
،،، حتشوفين احمد ؟؟
*** اي
،،، الحمدلله تصالحو ... خفت منج البارحه كلت حتهججيه للولد
*** وداعتج لو غيره جان هج من زمان بس ما اعرف شلون متحملني
،،، يقطع الحب وسنينه
صدى كلمه الحب كان اقوى من ضحكات ايه في اذني
هل يعقل ان احمد يحبني فعلا ؟؟؟ انا ﻻ آمن بوجود حب حقيقي فكل شي قابل للنسيان والتبديل بسهوله بزمن ال (التيك أوي )
تذكرت
حتما هو جائع الان اسرعت في تغير ملابسي لا اريد ان ينتظر اكثر ... حتى لو كنت غاضبة منه
************
وصلت متاخرة قليلا ... حاولت التقليل من احمرار عينيها ... جددت الكحل الذي اذابته دموعها تذكرت كلامه ليله البارحة
انتي امرأه كاملة .. جمالك .. شخصيتك .. طباعك ... ولكن هي طفلتي الي تربت على يدي
تمنيت لو اني لم اذكرها لك .. لو انك لا تعلمين بحبي لها
رن الهاتف
؛؛؛ انتي وين ؟
،،، وصلت
؛؛؛ يله انتظرج
ينتظرنها ... ام ينتظر كلامها عنها .. ينتظر ان ييوح لها اكثر ... يطعنها اكثر ... يقتلها بشوقه لها .... لقد كان بمثابه فارس احلامها بكل تفاصيله ... لكن سبقتها تلك الى قلبه
اطلت بنظره اخيره على المرأه ... لم يحدث ان رأها رجل من قبل ولم يعلن اعجابه بها ... ولم تكن في يوم في محل مقارنة مع اخرى ... حتى لو حدث هذا فقد كان الفوز حليفها .. لكن عيناه التي ابدت اعجابها بها كان قد وبخها قلبه وحذره ... قلبه التي راهنت بانها من سيسكن به قريبا جدا
***********
اغلقت الهاتف معه ... كان يتصل بمعدل كل خمس دقائق كل مره بحجه جديدة نسيت ان أسأله اين هو بلضبط .... ولسوء الحظ موعدنا بمركز تسوق بهذا الحجم
فكره الاتصال به مستبعدة تماما فانا لا ازال على موقفي ..... لعله يتصل بعد قليل
بعد فتره لا بأس بها من البحث وجدته
### ها زين لكيتيني
*** توقعتك هنا
### صارلج شكد دتدورين
*** مو هوايه
### ممم لعد ليش وجهج احمر عبالك تعبتي
*** اي دورت هوايه ارتاحيت
### كل هذا حتى لتخابرين ... مشايف هيج عناد
*** اوكي لعد شوف
********
تعمدت ان اكف عن الاتصال بها بعد ان اخبرتني انها وصلت .... تعللت بأتصال علي الاجابه عليه حتى لا تسألني عن مكاني
لم اكن مخطئ بحساباتي ... توقعت ان يصل عنادها الى درجه كهذه
لكني اعلم ان هذا العناد والعصبيه والقساوة مجرد قناع تختبئ خلفه طفلة تحمل من الطيبة الكثير في اعماقها
### يله وين نروح
**** اول شي نروح نلعب مو اتفقنه
### اوكي يله
**********
حسنا اعتراف صغير ..... انا جبانة الى ابعد الحدود وروح المغامرة لم تعش في داخلي يوما
### امشي ويايه
**** تريد تلعبها روح وحدك
### يله حبيبي ... يله حياتي اني وياج لتخافين
تبسمت في داخلي احببت فكره وجوده بجانبي
وبعد محاولات حثيثه منه ومن الموظف المسؤول عن اللعبه قررت المغامره للاول مره بحياتي ( وريتني مسويتها )
********
طوال اللعبة ملتصقه بي مغمضة العينين ولا يفارقها سؤال
**** هاااا خلص ؟؟ شوكت توكف
### يله هاي هيه فتحي عينج
*** اكررررهك
### حبيبي ليش وجهج اصفر خفتي .... تعالي نكعد شويه
*********
حين اقترب هامسا مني اصابني الارتباك وشعرت بدوار اكثر من ما شعرت به عند نزولي من اللعبه
**** يله تريد تروح ذيج
### ﻻ خلص راح ارحمج
**** روح وحدك انتظرك هنا
### لا تعالي ناخذ صور دنروح نتغده
مغررررم هذا الرجل باختراع اسمه الكامرة .... بعادتي اكره الصور ... ولا احب ان يحتفظ احد بصوره لي .... لكن معه لا مشكله ثقتي به اكبر من اي شئ اخر
كان يمسك بيدي في طريقنا الى المطعم ... لم نسلم من النظرات كالعادة غير انها كانت اكثر واقوى تركيزا اليوم .... قد يكون السر هو السعاده البادية على وجوهنا كان وهجها يستدعي انظارهم
### دا افكر اقدم على نقل لهنا ... او احول على غير شركة ... راح ابدي ادور من باجر
غصصت بطعامي فلم اتوقع كلمات كهذه ابدا
*** صدك تحجي ؟؟
خلص اني هم حبدي ادورلك وياك
### شذر تحبيني ؟؟؟
رغم كل جرائتي ... وقوه شخصيتي كما يقولون اربكني سؤاله ولم استطع الاجابه
اكتفيت بأيمائه من راسي
*********
الم اقل لكم ... طفله تخاف الالعاب يربكها كلام الحب وبذات الوقت عنيده وصاحبه شخصيه قويه
اعلم تماما بأنها ستتعبني ... وقد لا نتوالم بشخصياتنا فنحن على النقيض بكل شي ... لكني احبها من اعماقي .. وحبي لها سيجبرني على التضحية حتى بوظيفتي ...لا حل لدي لن استطيع فراقها ماعادت الاسابيع بين الشهور تكفي اريدها معي ..... ولكنننن
************
سمعت اصوات خافته تخرج من غرفه سما ... عرفت ان ايه عادت من موعدها الى هنا
،،،، هلا هلا بلعاشكه
--- تيررارار رارا رار
*** هههههههههه سخيفات .... بعدين عيني منكم نستفيد
رن هاتف سما
--- انته وينك اني مو مخابرتك
""" سوري حبيبتي والله مشغول كلش
--- انته وين ؟
""" بلشغل يعني قابل وين اروح
--- اوكي ... ان شاء الله يكون صدك
اغلقت سما الهاتف وهي تفكر ان كان فعلا في عمله ...... ام مع اخرى
**** زين انسه ايه احجيلنه انتي شنو اخبار الفارس المجروح
،،، ولا شي عادي نفس الحجي
*** مكلج شي منا منا
،،، كلي خليج ويايه على الاقل كصديقه اني محتاجج لتحرميني منج
*** وان شاء الله قبلتي
،،، ماعندي غير حل
*** لا عندج
،،، لا
*** ليش ؟؟
ردت سما بلنيابه عنها
--- لان تحبه وتريده
،،، اخاف اذا كلت لا اندم طول عمري
أيعقل ان يجعلنا الحب نرضى بلقليل لهذه الدرجه .. ان نقبل بكلمه منه كقوت يومي لقلوبنا مع انها قد تجيعه اكثر ... ان نقبل بنظرة اتجاهه ولو كان نظراته لغيرنا .... ياربي ان كان هذا العشق فلا تجعل مني عاشقه
**********
جلست على سريري وانا اتصفح مواقع التوظيف .. بكميه كهذه احتاج الى فنجان قهوه مضاعف
*** تشربين كهوه
--- بها ليل ؟؟؟ شينيمج مخبله
*** اصلا اني ورايه سهرة مطووووله
--- ليش شكو ؟؟
*** احمد يريد ينقل هنا شغله وكلته اني هم حدورلك
--- فدوه للمتفانيه الي توكف ويه حبيبها
*** ظلي انتي نصبي ظللللي
--- هههههههه مدا استوعبج هاي الفترة ... لحد ما اكدر اتأقلم ويه شذر الجديدة شويه شويه
تركتها لعمل القهوة .. هل يعقل ان اكون تغيرت فعلا الى هذه الدرجة .. مازلت في البداية وبانت تأثيراته ماذا سيحدث في حال بقينا سويا ....
********
استغربت اختي حين طلبت منها قهوه في هذا الوقت ... نعم انها احدى تأثيرات شذر
^^^ احمد بهليل كهوه شجرالك
### طخت ببالي كومي سويها
^^^ اخاف دتزحلنكي داتخابر حبيبه القلب تره عادي اكوم
### وج كومي سوووووي الكهوه حموتج
فعلا ... احتاج جرعتي الليله من صوتها .... حاولت كثيرا ان اتجنب الحب ... ولكن حين طرق بابي لم استطع سوى ان اقبل وافتح الباب بكل سرور ...
*******
--- شذر ... تعالي تلفونج ديدك
**** منو ؟ احمد ؟
--- لا رقم بدون اسم
**** ما اعرفه عوفيه هسه يطلع احد غلطان
نغمة رسالة
شذر جاوبي او اتصلي عليه ضروري .. سامر
استغربت من هذا المسج الغير متوقع في ساعه غير متوقعة كهذه ..
ترى من هو ؟؟؟
وماذا يريد من شذر في ساعه متأخره كهذه ؟؟
هل ستتأثر علاقه شذر واحمد ؟؟؟ ام انه شخص لا يذكر
انتظروا فنجاني الاتي وما يحمله من مفاجأت
👍👍
ردحذفحلووووه كولش
ردحذفرائعة
ردحذفابداع كلش
ردحذفبغض النظر عن أي ملاحظة دونتها رؤيتي وانا استرسل في القراءة
ردحذفاقول .. افكار مُلفتة وسرد مختلف عما يُطرق عادة
جميل اخت شمم وإلى الأكثر
طبعاً يمكن هاي خامس مرة أقرأها كل متنزليها أقرأها هههههههه رائعة كالعادة
ردحذفاي عائلة مسلمة تربي بناتها بهاذا الكم من اللامبالاة والفساد والفحش والحرية المطلقة بدون حدود ولا خوف من الله؟ وبعدين نستغرب ونقول ليش الله هيج يسوي بينا!!
ردحذفكولش حبيت السرد بطريقتين والله مبدعه حته الروايه هشكل ماتنمل 😘😍
ردحذفلعد اني وين راح الكه التكمله ترا بلصدفه طلعتلي هاي. كولش قديمه توني انتبهت عليها. ومااعرف شلون الكاها
ردحذف